آلو کے پاپڑ گھر میں کیسے بناتے ہیں؟ جانیں آسان طریقہ اور دیں بچوں کو گھر میں بنے ہوئے ذائقہ دار پاپڑ

شام میں روزانہ چائے کے ساتھ بچوں اور بڑوں کی خواہش ہوتی ہے کہ آلو کے پاپڑ تل کر کھائے جائیں، اس کے لئے خواتین ہر ماہ گھر کے راشن میں بازار سے مہنگے پاپڑ خرید کر لاتی ہیں جو صحت کے لئے بھی نقصان دہ ہوتے ہیں ایسے میں اگر گھر میں ہی آپ ہماری بتائی ہوئی اس ترکیب سے آلو کے پاپڑ بنا کر کھائیں تو یہ لازمی آپ کے لئے فائدہ مند ہوں گے اور بچوں کی زبان سے تو ان کا ذائقہ ہی نہیں جائے گا۔ تو جلدی کیجئیے ابھی جانیئے اور بنا کر رکھ لیجیئے، جب دل چاہے بس ہلکے سے آئل میں فرائی کرکے استعمال کرلیں۔

ٹپ:

٭ دو آلوؤں کو دھو کر اچھی طرح چھیل لیں۔

٭ پھر ان کے چھوٹے چھوٹے ٹکڑے کاٹ لیں اور پانی میں بھگو دیں۔

٭ اب انکو تین مرتبہ پانی سے اچھی طرح دھوئیں

٭ اس کے بعد آپ سارے پانی کو پھینک دیں اور کٹے ہوئے آلوؤں کو بلینڈر میں ڈال کر بلینڈ کرلیں تاکہ آلو کا پیسٹ تیار ہو جائے۔

٭ پھر اس پیسٹ میں 3 کپ پانی ڈالیں اور تیز آنچ پر خوب پکائیں، دھیان رہے کہ چمچ چلاتی رہیں، اور مستقل آدھے گھنٹے تک چمچچلاتی رہیں۔

٭ جب آپ دیکھیں کہ آلوؤں کا بہت زیادہ گاڑھا پیسٹ بن گیا ہے تو اس میں ہلکا سا گرم مصالحہ، خشک دھنیا پاؤڈر اور آدھا چمچ نمک ڈال کر اچھی طرح مکس کریں۔

٭ اب ایک دسترخوان پر پلاسٹک شیٹ رکھیں اور اس پر ہلکا سا آئل سپرے کریں۔

٭ اب ایک چمچ کی مدد سے تھوڑا تھوڑا آلو کا گاڑھا پیسٹ گول شکل میں رکھیں اور اس کو ایک دن تک سورج کی دھوپ لگنے دیں

٭ ایک دن بعد آپ دیکھیں گی کہ گھر میں مزیدار کڑک اور کرسپی سے آلو کے پاپڑ تیار ہو جائیں گے۔

0 0 vote
Article Rating
Subscribe
Notify of
guest
0 Comments
Inline Feedbacks
View all comments