عمران خان کے ہمشکل کی رکشہ میں سفر کرتے ہوئے ویڈیو وائرل

حال ہی میں ایک ویڈیو سوشل میڈیا پر کافی وائرل ہو رہی ہے جس میں دیکھا جا سکتا ہے کہ وزیراعظم پاکستان رکشہ میں سفر کر رہے ہیں۔

لیکن سوال یہ پیدا ہوتا ہے کہ کیا واقعی یہ پاکستان کے وزیراعظم ہیں؟

دراصل یہ آدمی عمران خان کا ہمشکل ہے۔

انسٹاگرام پر ایک ویڈیو تیزی سے وائرل ہو رہی ہے جس میں دیکھا جا سکتا ہے کہ سیاہ رنگ کے لباس میں ملبوس ایک عام سا شہری چنگچی رکشہ میں سفر کر رہا ہے۔

ویڈیو پنجاب کے شہر سیالکوٹ کی ہے جبکہ وزیر اعظم عمران خان کے ہمشکل کی ویڈیو نا معلوم فرد کی جانب سے بنائی جا رہی ہے۔

ویڈیو بنانے والے کو اس دوران پنجابی زبان بولتے ہوئے سنا جا سکتا ہے جس میں اُس کا کہنا ہے کہ وزیر اعظم عمران خان سیالکوٹ آئے ہوئے ہیں۔

وزیر اعظم عمران خان کا ہمشکل ویڈیو میں ہو بہو وزیر اعظم جیسا ہی نظر آ رہا ہے، جیسے وزیر اعظم عمران خان اپنی جوانی اور کرکٹ کے زمانے میں نظر آ یا کرتے تھے۔

خیال رہے کہ اس ویڈیو پر کچھ ہی گھنٹوں میں ہزاروں لائیکس اور کمنٹس آ چکے ہیں جن میں انٹرنیٹ صارفین خوب حیرانی کا اظہار کر رہے ہیں۔

0 0 vote
Article Rating
Subscribe
Notify of
guest
0 Comments
Inline Feedbacks
View all comments